Biblioteket ved Senter for Ibsen-studium (SIS) er stolt eigar av hefta som vekebladet "Illustreret Nyhedsblad" ga som nyttårsgåver til abonnementane sine for åra 1860–1863. Bindet inneheld førstetrykka av Henrik Ibsens diktsyklus Paa Vidderne (1860), det episke diktet Terje Vigen (1862) og skodespelet "Kjærlighedens Komedie" (1862). Nyttårsgåvenes utgjevar var vekebladets redaktør Paul Botten-Hansen. Hans Jacob Jensen var trykkar og forleggjar.
"Kjærlighedens Komedie"
Førstetrykket av "Kjærlighedens Komedie" har ei interessant historie. Ifølgje "Henrik Ibsen Skrifter" vart "Illustreret Nyhedsblads Nytaarsgave" sendt ut til abonnentar på årets siste dag, den 31. desember 1862, og samstundes gitt ut for ordinært sal i bokhandelen. SIS-biblioteket har no både eit eksemplar av separattrykket som var produsert for ordinært sal og eit eksemplar av «gåva».
Vi er stolte av å kunne gi forskarar og studentar tilgang til desse sjeldne eksemplarane. Kom gjerne innom for ein titt!
![Bildet kan inneholde: rektangel, tre, gulvbelegg, gress, farger og nyanser.](/is/forskning/aktuelt/aktuelle-saker/2022/img_3455-3-690x388.jpg)
Besøk oss
- Ordinære opningstider er mandag–onsdag 09.00–14.30.
- Tilsette og studentar har tilgang med UiO-kort + kode utanom opningstida.
- Biblioteket er i Henrik Wergelands hus (rom 215)
- Om du treng hjelp eller rettleiing, ta gjerne kontakt med vår fagbibliotekar Kristin Kosberg på e-post.
- For meir informasjon sjå Biblioteket ved Senter for Ibsen-studium (UiO)